Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 46-1} vī akam pulampa vēṭṭam pōkiya
• {KALI 46-2} māal am ciṟai maṇi niṟa tumpi
• {KALI 46-3} vāy iḻi kaṭātta vāl maruppu oruttalōṭu
• {KALI 46-4} āy poṟi uḻuvai tākkiya poḻutiṉ
• {KALI 46-5} vēṅkai am ciṉai eṉa viṟal puli muṟṟi um
• {KALI 46-6} pūm poṟi yāṉai pukar mukam kuṟuki um
• {KALI 46-7} vali miku vekuḷiyāṉ vāḷ uṟṟa maṉṉarai
• {KALI 46-8} nayaṉ nāṭi naṭpu ākkum viṉaivar pōl maṟitarum
• {KALI 46-9} ayam iḻi aruviya aṇi malai nal nāṭa
• {KALI 46-10} ēṟu iraṅku iruḷ iṭai iraviṉil patam peṟāaṉ
• {KALI 46-11} māṟiṉeṉ eṉa kūṟi maṉam koḷḷum tāṉ eṉpa
• {KALI 46-12} kūṭutal vēṭkaiyāṉ kuṟi pārttu kural nocci
• {KALI 46-13} pāṭu ōrkkum ceviyōṭu paitalēṉ yāṉ āka
• {KALI 46-14} arum celavu ār iṭai aruḷi vantu aḷi peṟāaṉ
• {KALI 46-15} varuntiṉeṉ eṉa pala vāyviṭūum tāṉ eṉpa
• {KALI 46-16} nilai uyar kaṭavuṭku kaṭam pūṇṭu taṉ māṭṭu
• {KALI 46-17} pala cūḻum maṉattōṭu paitalēṉ yāṉ āka
• {KALI 46-18} kaṉai peyal naṭunāḷ yāṉ kaṇ māṟa kuṟi peṟāaṉ
• {KALI 46-19} puṉai iḻāy eṉ paḻi niṉakku uraikkum tāṉ eṉpa
• {KALI 46-20} tuḷi nacai vēṭkaiyāṉ micai pāṭum puḷḷiṉ taṉ
• {KALI 46-21} aḷi nacaii ārvuṟṟa aṉpiṉēṉ yāṉ āka
• {KALI 46-22} eṉa āṅku
• {KALI 46-23} kalanta nōy kaimmika kaṇ paṭā eṉ vayiṉ
• {KALI 46-24} pulantāy um nī āyiṉ poyyāṉ ē velkuvai
• {KALI 46-25} ilaṅku tāḻ aruviyōṭu aṇi koṇṭa niṉ malai
• {KALI 46-26} cilampu pōl kūṟuva kūṟum
• {KALI 46-27} ilaṅku ēr el vaḷai ivaḷ uṭai nōy ē